Olle Joahre wieder...

 

Olle Joahre wieder, do wird beim Hitty g´schund´n,

  wal in der Adventzeit wird der Lichterbam entzunden.

   

Den Bam aussuachen, umschneid´n und transportieren,

  aufstöll´n und die goanzen Lichter aufmontier´n.

   

Und jetzt, do stehn wir olle do schaun auf und hör´n,

  lossen uns von niemand bei dem Aunblick stör´n.

    

Mit Familie, Freinden oder auch alluan konn sein,

  der Bam sull olle in dem Ort erfrein.

   

Ober wir sullten auch, wie immer um die Zeit,

  uns Gedoanken mochen über Liebe, Oangst, oder a Streit.

 

  Jeder von uns, der hot jo wia man so sog,

  irgend jemand den er net soa mog.

   

Von der Gedonkenlost ist man sofort befreit,

  in dem man dem Oanderen verzeiht.

   

Oder sich auch sölber bei der Nos´n nimmt,

  und endlich amol über seinen eig´nen Schotten springt.

 

  Mit der Oangst verholtet es sich jo donn auch gleich,

  do gibt´s kuan Unterschied, bei olt und jung und oarm und reich.

 

   Oangst entsteht heite goar net amol so aus der Not,

  sondern das ma glaubt, dass ma uanfoch z´wenig hot.

   

Dabei bestimmt net immer nur des Göld,

  ob du glücklich bist auf unserer einzigortigen Wölt.

 

Net immer nur beim Oandren schaun, wos der olles besitzt,

der jo vielleicht trotz oll dem goanzen Zeig net glücklich ist.

 

Am Besten is zu jeder Zeit,

des Zauberwort - dos hoaßt Zufriedenheit.

 

Des wichtigste Wort ober , dos - dos sich die „Liebe“ nennt,

von dem ein jeder sogt - dass er es kennt.

 

Es is ollumfossend seit aunbeginn der Zeit,

und bestimmt net nur die Weihnochtsfreid.

 

Und doch is es grod jetzt im Advent,

des Wichtigste Wort das man hult kennt.

 

Denkt´s jedesmol wenn´s ihr den Bam do sehgt´s,

wenn ihr vorbeifoahrt´s do, oder auch geht´s,

 

wia schön die Stimmung woar do heit,

des merkt man sich in Ewigkeit.

 

Wenn a Worte die do g´sprochen woarn vergehn,

das G´füahl das heit do woar des bleibt im Herzen stehn.

 

So ist der Sinn vom heitigen Obend schon erfüllt,

es ist die Weihnochtszeit die jetzt beginnt.

 

Das Licht vom Bam begleitet uns olltäglich noch und brennt,

noch länger als bis zu dem Tog, den man den Heiligen Obend nennt.

 

Und a am Beginn vom Neien Joahr donn doch,

werden die Liachter brennen noch.

 

 

Vorgetragen zur Einstimmung in den Advent beim Gasthaus Hitty,

am 1. Adventwochenende 2006.